ايوة .. انا أحسن عضو

السلام عليكم ورحمة الله وبركاته


أجمل حاجة لأى عضو فى اى منتدى فى الدنيا مهما كانت اللغه او مضمون المنتدى

او جنسية الأعضاء ان العضو يلاقى ان الأعضاء

كلها بتقرأ مواضيعه و مش بتقرا و بس لا و تلاقى الرد واحد ورا التانى يعنى بتحس

انك الى حد ما بتعمل حاجة مفيده لغيرك

و ان مواضيعك بينتظرها الأعضاء .. بعض الأعضاء بتمل من قلة الردود فى البدايه

و ده يمكن علشان المنتدى بيكبر و أعضاؤه

مش كتير .. لكن فى بعض النقاط لازم تتبعها علشان يحدث مما سبق ذكره .. الا و هى :


1- بدايه دخولك للمنتدى عرف نفسك فى القسم المخصص لذلك بطريقه جميله

و خفيفه و أنتظر الترحيب ممكن يبقى اقل من اللى انت متوقعه لكن ده أمر طبيعى

بما انك جديد و ضيف عى المنتدى .


2- رد على بعض المواضيع للأعضاء المميزة .. قبل ما تنزل اى موضوع بأسمك


3- قبل ما تنزل موضوع تخيل انك انت اللى بتقراه لحد من الأعضاء و شوف أنطباعك

انت عليه ايه لو بالأيجاب مش تتردد فى أنزاله .


4- أهتم بمواضيعك و ردود الناس عليها .. كى يحس الأعضاء انك مهتم


5- حاول انك مش تنقطع عن المنتدى كثيرا و خصوصا لو كنت جديد


6- لما ترد على مواضيع احد الأعضاء حاول تبقى روحك خفيفه و جميله زيك


7- لو حصل مشكله بينك و بين اى عضو .. راسل المشرفين و لو مشكله بينك

و بين اى مشرف راسل الأدراه .


8- حاول تبدأ فى القسم اللى بتحبه .. هتبدع فيه .


9- المشاركات مش بكثرتها .. ممكن تبقى كتيره اوى بس مش مهمه .. راعى

مع نفسك النقطه دى .


10- أعتبر نفسك دايما انك مشرف .. نعم مشرف على نفسك .. أعتقد

لو فكرنا كلنا كدا مش هنحتاج مشرفين.


11- حاول انك تفيد أكتر من انك تستفاد ..ممكن تفيد بموضوع تنزله او معلومه

او أجابه و رد لسؤال حد.


12- حاول انك تعرفنا بنفسك من خلال أناملك يعنى بكتاباتك .. اى موضوع

او رد .. من وجهه نظرى انه بيعبر عن صاحبه.


13- مش مهم يبقى الموضوع منقول اللى بتكتبه .. لكن الأهم يبقى

مفيد .. رغم كدا حاول قدر الأمكان ان تبدع انت بنفسك.



أعتقد انى كاتب الموضوع بالعاميه و اكيد معناه وصل للكل .. و أكيد اى

حد هينفذ كل اللى فات هيبقى احسن عضو

نعم .. أحسن عضو فى عين الأعضاء .. اسف للأطاله .. أتمنى التوفيق للجميع